Manchester City ka lajmëruar se mbrojtësi Benjamin Mendy i është nënshtruar operacionit në gju, por akoma nuk dihet se për sa kohë do të qëndrojë larg fushave.
Mbrojtësi i majtë luajti 90 minuta në derbin ndaj Manchester United, por është tërhequr nga përfaqësuesja franceze për një problem në menisk.
“Manchester City konfirmon se Benjamin Mendy i është nënshtruar operacionit në gjurin e majtë,” shkruhet në deklaratën e klubit kampion të Premier League.
“Francezi, i cili luajti 90 minutat e plota ndaj United, udhëtoi për t’iu bashkuar skuadrës franceze, por është tërhequr pak më vonë.
“Mbrojtësi 24-vjeçar tashmë ka kryer operacionin në Barcelonë dhe City i uron një shërim sa më të shpejtë.”
Vetë Mendy përdori Twitter për t’i dhënë një mesazh lojtarëve të Fantazi Futboll: “Gjuri tjetër ishte xheloz, por operacioni shkoi mirë. Do të rikthehem shumë shpejt, ndërkohë gjeni një kapiten tjetër për ekipet tuaja.”
Other knee was jealous but the operation went well and its all good now 😘 be back soon guys u just have to found another FPL captain for some games 😝✌🏾 https://t.co/RD5ZGGkhMS
— Benjamin Mendy (@benmendy23) November 14, 2018
