Pavarësisht kritikave që po merr nga java në javë për paraqitjet jo bindëse në fushë, Elseid Hysaj pritet të jetë në fushë ditën e mërkurë ndaj ekipit serb të Yllit të Kuq të Beogradit.
Dëmtimi i mbrojtësit serb Nikola Maksimovic i ka hapur rrugë mbrojtësit të Kombëtares së Shqipërisë për të zënë vend në formacionin titullar për ndeshjen e pestë të Champions League.
Hysaj në këtë sezon është spostuar sa në krahun e majtë në të djathtë të mbrojtjes napolitane duke iu përshtatur ideve të teknikut të tij Carlo Ancelotti. Ndaj rivalëve serbë Hysaj do të ketë në memorie kujtimet e tetorit të 2014 kur u ndërpre ndeshja Serbi-Shqipëri në Beograd, e cila përfundoi në rrëmujë dhe me penalizimin e Kombëtares Serbe me 3 pikë në garën për kualifikim në kampionatin europian të 2016.
