Skuadra e Dritës luajti këtë fundjavë një ndeshje të vështirë përballë Feronikelit të cilët vinin në këtë sfidë me vetëm një qëllim. Marrjen e 3 pikëve që do u jepte kreun e klasifikimit duke marrë shkas nga hapi fals i Prishtinës. Kjo ndeshje përfundoi në shifrat 1 me 1.
Por në këtë ndeshje pati edhe një episod aspak të hijshëm që deri diku e largoi lezetin e kësaj ndeshjeje. Tifo grupi “Intelektualët” të skuadrës së Dritës kanë hedhur një shishe birre në drejtim të lojtarit Mendurim Hoti, por për fat ky i fundit shpëtoi pa u lënduar.