Juventusi e ka vazhduar startin e përkryer në Serie A duke e ruajtur ecurinë pa humbje, pasi e mposhti Cagliarin të shtunën në Torino.
Juventusi u fut në këtë takim me një rekord fantastike prej nëntë fitoreve dhe një barazimi në dhjetë takimet e para në ligë dhe ia doli ta mposhtë 3-1 Cagliarin në “Allianz Stadium” në ndeshjen e javës së 11-të, raporton Gazeta Express.
Paulo Dybala nuk humbi shumë kohë edhe 45 sekonda brenda takimit i dha epërsinë bardhezinjve, duke shënuar në këndin e poshtë të djathtë të portës mysafire me një goditje precize.
Skuadra e Massimiliano Allegrit ishte dominuese në kVëre si figurë të zgjedhurëtë takim kundër një Cagliari që shpesh e vuri në vështirësi.
Joao Pedro befasoi vendasit me një super gol pas gjysmë ore lojë. Por, gëzimi i tij dhe skuadrës së tij zgjati pak.
Për këtë u përkujdes bashkëlojtari i tij Filip Bradaric që shënoi në portën e vet në tentim për ta larguar një top nga zona, vetëm dy minuta më vonë.
Për t’i dhënë shuplaken përfundimtare Cagliarit u përkujdes Juan Cuadrado, i cili shënoi tre minuta para fundit për 3-1.
Juve tani ka plot 31 pikë në krye të renditjes në Serie A, gjashtë më shumë se Interi në vendin e dytë dhe Napolit në të tretin.
Cagliari, ndërkohë, mbetet në vendin e 12 me 13 pikë.