Pierluixhi Golini u gradua nga trajneri i Atalantës si portieri titullar. Me bekimin e Gasperinit, atij iu dha besim me gjithë paraqitjet e mira që pati bërë gardiani i Kombëtares kuqezi. Mirëpo, pas 10 javësh kampionat të zhvilluara, situata ka ndryshuar. “Gazzetta dello Sport” ka bërë me dije se tek Atalanta kanë menduar për të hequr “gradimin” e Golinit.
Duke parë paraqitjet e mira që Berisha ka bërë në vetëm 3 takime që i është dhënë besim, në dy prej të cilave nuk ka pësuar gol, Golini nuk shihet më si i paprekshëm.
Në artikullin e gazetës italiane bëhet me dije se shqiptari tashmë shihet si i barabartë dhe i është dhënë mundësia që të luftojë për postin e titullarit, gjë e cila do të vendoset në bazë të paraqitjeve që dy portierët do të bëjnë në vazhdimësi gjatë seancave stërvitore.