Finalja e kthimit në Copa Libertadores, mes River Plate e Boca Juniors, vazhdon të prodhojë lajme dhe sot e ka radhën takimi i paralajmëruar në Luque të Paraguait, mes drejtuesve të Conmebol, presidentëve të dy klubeve dhe është shtuar edhe një personazh i ri, Robert Harrison, presidenti i federatës paraguajane të futbollit.
Prania e këtij të fundit nuk është rastësi, sepse po shqyrtohet ideja e të luajturit në Paraguai,
Boca Juniors kërkon fitore në tavolinë dhe presidenti i Boca-s deklaroi para selisë së Conmebol: “Nuk do të jap OK për asnjë marrëveshje”.
Gjithsesi, nëse apeli i Boca-s hidhet poshtë, Conmebol mund të mos lejojë zhvillimin e takimit në Monumental, duke pasur frikë nga trazirat.
Paraguai po studiohet si alternativë dhe Walter Vázquez, komandanti i policisë në Paraguai, ka pranuar se i janë kërkuar detaje për organizimin e ndeshjes më 9 dhjetor, me shumë gjasa pa praninë e spektatorëve.
