Në Championshipin anglez luajti 20 ndeshje, nga të cilat 12 si titullar dhe shënoi 1 gol. Trabzonspor e huazoi në verë me shpresën se do të gjente veten në kampionatin turk, por deri tani ka zhgënjyer. 7 ndeshje, 123 minuta dhe vetëm 1 gol, pa harruar faktin se nuk ka luajtur asnjëherë si titullar. Shkaku? Stafi teknik nuk është bindur nga forma e tij fizike dhe cilësitë e sulmuesit 24-vjeçar, por ndikon dhe fakti se nuk është lojtar i ekipit turk.
Transferimi i tij është shumë i shtrenjtë, pasi Trabzon pagoi 200 mijë euro te Leeds për huazimin e Ekubanit, por 225 mijë euro iu dhanë agjentit të lojtarit që ishte pjesë e marrëveshjes. Ekipi turk ka mundësinë që ta blejë Ekubanin përfundimisht nga Leedsi, por vështirë që diçka e tillë të ndodhë, kjo dhe për shkak të menaxherit të ish-futbollistit të “demave” që pretendon shifra të frikshme. Rikthimi i tij te Leeds nuk do e sistemojë, pasi anglezët nuk e duan në skuadër, prandaj me ardhjen e verës, 24-vjeçari duhet të gjejë një vend të ri sistemimi.
