Kombëtarja ka nisur përgatitjet për 2 sfidat miqësore që do të zhvillohen në muajin qershor. Kuqezinjtë zhvilluan seancën e parë stërvitore.
Futbollistët, të cilët kanë mbërritur tashmë në grumbullim zhvilluan disa ushtrime fizike dhe më pas edhe një lojë brenda grupit.
Zyra e shtypit në FSHF bën me dije se grupi i lojtarëve të grumbulluar nga trajneri Reja nuk është ende i plotë, teksa sonte pritet të mbërrijnë Keidi Bare, Marash Kumbulla, Berat Gjimshiti, Ardian Ismajli, Elseid Hysaj dhe Armando Broja.
Më herët grupit i është bashkuar edhe mbrojtësi i Tiranës, Erion Hoxhallari, ndërsa është larguar nga grumbullimi portieri Etrit Berisha, për shkak të problemeve fizike, pas konsultave me stafin mjekësor.
