Sektori i ekipeve kombëtare në FSHF ka publikuar datat e përballjeve, që do të zhvillojnë kuqezinjtë në muajin nëntor 2018. Krahas kombëtares A, e cila do të zhvillojë dy ndeshje: më 17 nëntor ndaj Skocisë në stadiumin “Loro Borici”, ndeshje e vlefshme për “Nations League” dhe më 20 nëntor, miqësoren përballë Uellsit në “Elbasan Arena”, do të luajnë edhe kombëtare të tjera. Më konkretisht, do të luajnë miqësore përfaqësueset U-21, U-19, U-15 dhe Femrat A.
Ja kalendari i plotë:
Shqipëria A e femrave – Slloveni; më 8 nëntor, “Gornja Radgona”, ora 14:00.
Shqipëria U-21 – Maltë; më 16 nëntor, “Selman Stermasi”, ora 19:00.
Shqipëria U-19 – Maltë; më 19 nëntor, “Loro Borici”, ora 19:00.
Shqipëria U-19 – Rumani; më 18 nëntor dhe 20 nëntor, “Loni Papuciu”, ora 14:00.
Shqipëria U-15 – Mali i Zi; më 22 nëntor, “Loro Borici”, ora 12:00.
Mali i Zi – Shqipëria U-15; më 24 nëntor, “Campi Sportiv Podgorica”, ora 11:00.
