Skocia do të jetë mysafire e Shqipërisë në “Loro Boriçi” më 17 Nëntor, në një sfidë mjaft të rëndësishme, të vlefshme për Ligën e Kombeve, që si gjithmonë do të transmetohet ekskluzivisht në ekranin e Supersport.
Kur kanë mbetur thuajse 10 ditë nga data e takimit, trajneri i Skocisë Alex McLeish ka publikuar edhe listën e futbollistëve që do të grumbullojë për të përballuar sfidën me kuqezinjtë, por edhe atë me Izraelin, 3 ditë më pas Glasgou.
Në listë tërheqin vëmendjen mungesat e dy sulmuesve mjaft të rëndësishëm për skuadrën skoceze, siç janë Leigh Griffiths që aktivizohet me Celticun dhe Steven Naismish që aktivizohet me Heart dhe shënoi një nga golat në takimin e Glasgout, në muajin shtator.