Legjenda e Spanjës dhe Barcelonës, aktualisht lojtari i klubit japonez Viseel Kobe, Andres Iniesta beson se gjatë kohës sa ishte Jose Mourinho trajner i Real Madridit, ai shkaktoi probleme dhe tensione mes Real Madridit dhe Barcelonës.
Sipas Iniestas, këto tensione shkaktuan dëme në Kombëtaren e Spanjës dhe marrëdhënies mes lojtarëve.
“Nuk do të thotë që të jesh fans i Barcelonës ose Real Madridit për ta ditur se situata ishte e pakënaqur”, ka thënë spanjolli.
“Dhe kryesori për atë situatë ka qenë Mourinho. Nuk ishte rivaliteti siç ka qenë më parë, kalo më tepër, shihje urrejtje”.
“Tensioni mes Real Madridit dhe Barcelonës i shkaktuar nga Mourinho bëri shumë dëme në Kombëtaren e Spanjës dhe në marrëdhëniet mes lojtarëve”.
Jose Mourinho ishte trajner i Real Madridit nga viti 2010 deri në vitin 2013, gjatë kësaj kohe ai arriti të fitojë titullin e La Ligës një herë, po ashtu nga një herë titullin e Superkupës së Spanjës dhe Copa del Rey.