Armir Abrashi e ka kaluar tashmë dëmtimin që e mbajti për plot 7 muaj e gjysmë larg fushave. Lojtari i Kombëtares shqiptare që aktivizohet te skuadra e Frajburgut pësoi një këputje të ligamentit në ndeshjen nda Hertës së Berlinit në 12 Mars.
Që atëherë shqiptari nuk ka luajtur ndërsa tashmë është rikthyer për të qenë nën urdhrat e trajnerit. Së fundmi në një intervistë për “Sër.de” lojtari është shprehur: “Pas një kohe kaq të gjatë, pas 7 muaj e gjysmë, tashmë ndizesh përsëri për të qenë pjesë e stërvitjes. Kishte ditë që gjërat shkonin mirë dhe thoja: Forca do kalojë, por kishte dhe ditë kur thoja: Pse, përsëri ky avaz, shtatë muaj i pafuqishëm për të ndryshuar gjërat.”