Shqipëria luan ndaj Uellsit miqësoren e “Elbasan Arenës”, një sfidë ku kuqezinjtë do kërkojnë të paktën të kthejnë fytyrë, pas asaj humbje poshtëruese 0-4 ndaj Skocisë, vetëm tri ditë më parë.
Trajneri Kristian Panuçi i beson sërish portën Berishës, ndërkohë që Mavraj e Ismajli e nisin si qendra e mbrojtjes. Në sulm për të kërkuar rrugën e golit, rreshtohen Uzuni e Grezda nga krahët, në ndihmë të Balajt.
KOMENTI LIVE
8’ Goditja e parë nga këndi. Devijohet prej Bashës topi i goditur nga jashtë zone nga Bruks.
6’ Rasti i parë për uellsianët, Lorencs nis në të majtë Xhejms, ky i fundit harkon për Vokes, dhe me kokë sulmuesi gabon shënjestrën.
4’ Basha kërkon të nisë Uzunin, por është Ganter që mbyll atë top të nisur.
2’ Nisje menjëherë e Grezdës, por Lorencs mbyll duke kthyer tek portieri.
1′ Nis ndeshja në Elbasan.
