Humbja me Skocinë ka krijuar një klimë aspak të mirë edhe te tifozët e skuadrës sonë përfaqësuese. Nuk kishte ndodhur kurrë që në “Elbasan Arena” të kishte një numër kaq të vogël tifozësh si edhe sot në miqësoren ndaj Uellsit.
Duket qartë se edhe në këtë sfidë janë miqtë ata të cilët dominojnë, ndërsa bien në sy vetëm tifo-grupi “Tifozët kuqezi”, por edhe këta ndryshe nga takimet e shkuara, sot janë shumë të paktë në numër.
Ballorja, apo dhe anësoret janë thuajse bosh, çka tregon qartë se sfida e sotme do të luhet në një klimë mjaft të ftohtë, jo vetëm për shkak të temperaturave, por edhe nga ambienti dhe mungesa e theksuar e ultrasve në shkallët e stadiumit “Elbasan Arena”.
