Legjendari i portës së Real Madrid, Iker Casillas duke komunikuar me gazetarin argjentinas, Jorge Valdano në lidhje me një rikthim të mundshëm të tij te Los Blancos. Në të vërtetë viti i fundit në Bernabeu ishte plot momente kontroversale. Marrëdhënia e vështirë e portierit me ish-trajneritn e galaktikëve, Jose Mourinho, sezoni i fundit i kaluar masivisht në pankinë dhe një largim gati i turpshëm shënjoi fundin e një prej futbollistëve më embematikë të historisë së Los Blancos.por pavarësisht atij trajtimi aspak të denjë, portieri spanjoll është i gatshëm të rikthehet pa asnjë dyshim te Real Madrid, nëse do t’i kërkohej dhe ofrohej mundësia.
“A do të rikthehesha nëse do të merrja një thirrje nga Real Madrid? Patjetër! Unë nuk e kam harruar kurrë vendin ku u rrita. Mendoj se largimi prej andej ishte gjëja e duhur për tu bërë. Besoj se nëse do të kisha qëndruar te Real Madrid gjërat mund të kishin përfunduar më keq për mua”, deklaroi Casillas, 37-vjeçar, kontrata e të cilit me Porto skadon në fund të këtij sezoni.
