Interi vazhdon serinë e rezultateve pozitive në kampionat teksa mposhti Xhenoan në shtëpi me rezultatin 5-0. Dopieta e Galjardinit dhe golat e Politanos, Zhoao Marios dhe Naingolanit i siguruan zikaltërve fitoren e 7-të radhazi në kampionat.
Spaleti la në stol sfidën e sotme kapitenin Ikardi, teksa në majë të sulmit ishte Lautaro Martinez. Pavarësisht se u aktivizua 90 minuta 21-vjeçari nuk arriti të shënonte në këtë përballje.
Në pjesën e dytë pati disa minuta edhe për Naingolan, i cili mesa duket është rikuperuar pas dëmtimit në sfidën ndaj PSV-së. Vetëm pak minuta i kanë mjaftuar mesfushorit belg për të gjetur rrugën e rrjetës.
Me fitoren e sotme, Interi u ngjit në kuotën e 25 pikëve. Sfidën e radhës në kampionat skuadra e Spaletit do e luajë në transfertë ndaj Atalantës. Kujtojmë që në datën 6 nëntor zikaltërit do të luajnë sfidën e kthimit ndaj Barcelonës, e vlefshme për fazën e grupeve të Ligës së Kampionëve.
