Kapteni Mauro Icardi është golashënuesi i Interit, me shtatë gola në nëntë ndeshje të kampionatit, ndërsa Frosinone ka Camillo Ciano me 3 gola, golashënuesin e vet kryesor. Interi kthehet nga një humbje e rëndë me Atalantën, e cila ndërpreu një seri pozitive prej 7 fitoresh rresht. Frosinone a marrë një fitore dhe 2 barazime në 3 ndeshjet e fundit radhazi.
Inter-Frosinone do të luhet sonte, më 24 nëntor 2018, në orën 20:30, në “San Siro” të Milanos. Ky do të jetë ballafaqimi i tretë mes dy ekipeve në ligën maksimale italiane (Seria A). Sa i takon formacionit, ekzistojnë disa probleme në mbrojtje për Spallettin. Vrsaljko dhe Dalbert janë jashtë, ndërsa Asamoah nuk është në më të mirën e tij, edhe pse ky i fundit është grumbulluar dhe duhet të luajë.
Në mesfushë nuk mund të llogaritet Brozovic, teksa në vend të tij do të luajë nga minuta e parë Borja Valero, me Gagliardini dhe Joao Mario në anët e tij. Dyshime ka në sulm, duke iu referuar angazhimit të menjëhershëm në Ligën e Kampionëve, me Tottenhamin. Trajneri toskan mund të vendosë të lërë pushim kapitenin Icardi dhe të hedhë në sulm Lautaro Martinez. Shanse edhe për Candreva e Keita, në vend të Politano dhe Perisic. Nainggolan duhet ta fillojë nga stoli.
Formacionet e mundshme
INTER-FROSINONE
INTER (4-3-3): Handanovic; D’Ambrosio, Skriniar, De Vrij, Asamoah; Gagliardini, Borja Valero, Joao Mario; Politano, Martinez, Keita.
FROSINONE (3-5-2): Sportiello; Goldaniga, Salamon, Capuano; Zampano, Chibsah, Maiello, Cassata, Beghetto; Pinamonti, Ciofani.
