Të gjitha indiciet duke se e shtyjnë Zlatan Ibrahimovicin drejt një aventurë të dytë te Milani në Serinë A. Në fillim batuta e tij për Wenger (me e mundshme është të shkojë unë te Milani se Wenger) dhe tani fjalët e menaxherit të tij, Mino Raiola:
“E ardhmja e Ibras? Konfirmoj atë që kam thënë edhe më parë, marrëdhëniet me kupolën e re drejtuese të Milanit janë shumë të mira, prandaj të gjitha rrugët janë të hapura.”
Atëherë, çfarë mungon që ky operacion të mbyllet me sukses? Para së gjithash vlen fjala e vetë lojtarit suedez, por Raiola duhet të ulet në tavolinën e bisedimeve me drejtuesit e Los Angeles Galaxy, për të zgjidhur kontratën dhe rikthyer Ibran në Europë, pikërisht në Serinë A. Formula e transferimit që do të dëshironte Milani është huazim për 6 muaj me rinovim automatik të kontratës për një vit tjetër nëse Milani siguron pjesëmarrjen në Champions League.
