Futboll La Liga Sport

PO JETON ËNDRRËN FANTASTIKE/ Modric: Nëse nuk fitoj “Topin e Artë” do të…

Luka Modric insiston se nuk është aspak i varur nga dilema nëse do të jetë ai që do të fitojë ose jo trofeun e “Topit të Artë 2018”. Viti i jashtëzakonshëm i mesfushorit kroat u trazua jo pak të dielën, kur Anglia përmbysi disavantazhin, duke mundur Kroacinë me rezultatin 2-1, për të detyruar kroatët dhe Mordic që të dalin nga Liga A, për të rënë në Ligën B të Ligës së Kombeve. Gjithsesi, kjo goditje nuk do të zhdukë shkëlqimin e një viti në të cilin kroati Modric ngriti lart në qiell trofeun e Champions League me Real Madrid, duke udhëhequr edhe Kroacinë drejt finales së Kupës së Botës të zhvilluar në Rusi, për tu mundur nga Franca.

Arritje për të cilat Modric u shpërblye me trofeun e “Topit të Artë” në Kupën e Botës “Rusi 2018”, gjithashtu edhe duke u përzgjedhur “Futbollisti i Vitit” në ceremoninë e “FIFA Football Awards”, ndërkohë që tashmë janë të shumtë ata që e shohin si kandidatin kryesor për të fituar edhe trofeun e “Topit të Artë”, duke thyer dominimin 10-vjeçar të Messi e Cristiano Ronaldo. Gjithsesi vetë Modric duket se nuk është shumë i varur nga trofeu. “Do të shohim. Jam i nderuar që të jem në garë për këtë trofe të rëndësishëm. Nëse ndodh që ta fitoj, atëherë askush nuk do të jetë më i lumtur se unë, por nëse nuk fitoj, asgjë nuk do të ndryshojë. Viti im ishte madhështor dhe kaq”, deklaroi Modric për “talkSPORT”.

Related posts

REAL MADRID-BARCELONA/ Fate paralele për të dy gjigantët spanjoll, nga kriza në lojë për dopietën e titujve

Delo.autor

“PARAKALOHET” FERGUSON/ Roy Hodgson vendos një rekord historik në Premier

Delo.autor

BASKETBOLL/ Viti 2021 rekord aktivitetesh: Festojnë Flamurtari e Partizani, Teuta merr të gjithë “tortën” te meshkujt

Delo.autor

Leave a Comment