Myrto Uzuni konfirmon edhe njëherë formën e mirë që po kalon. Shqiptari i kombëtares arriti të shënonte ditën e sotme në takimin mes Lokomotivës së Zagrebit dhe Slaven Belupos, i cili përfundoi me rezultatin 1-1. Uzuni ishte ai që barazoi rezultatin në minutën e 80-të të takimit.
Ky ishte goli i katërt sezonal i tij. Lokomotiva ndodhet aktualisht në vendin e dytë të renditjes në kampionatin kroat.
