Ndeshja e kthimit të Copa Libertadores mes River Plate dhe Boca Juniors me shumë mundësi do të luhet në Doha të Katarit më 8 dhjetor. Trupi qeverisës i futbollit të Amerikës së Jugut CONMEBOL ka lajmëruar të martën se ndeshja do të luhet më 8 ose 9 dhjetor jashtë Argjentinës.
Doha, 13,306 km larg Buenos Airesit, pritet të zgjidhet si destinacioni i përballjes mes dy klubeve argjentinase, sipas TYC Sports.
“Informacioni që kemi është se ndeshja do të luhet,” shprehet gazetari Mariano Antico.“Vendi më i mundshëm është Doha më 8 dhjetor. Vendimi mund të merret sot.”
Por ka edhe raporte që pretendojnë se ndeshja mund të luhet edhe në Paraguai më 9 dhjetor pa tifozë.