Ish-mesfushori i Manchester Unitedit, David Beckham, e ka publikuar në llogarinë e tij në Instagram një foto duke e puthur në buzë të bijën e tij, përderisa ishin duke bërë patinazh në Londër.
Fotoja e ish-futbollistit ka marrë shumë vëmendje dhe është vërshuar nga komentet negative nga personat të cilët besojnë se është gabim që babai ta puthë të bijën e tij në buzë.
Tifozët besnikë të 43-vjeçarit shumë shpejt i kanë dalë në mbrojtje anglezit, duke insistuar se njerëzit që po linin komente negative ishin të sëmurë dhe po e shkatërronin një fotografi plotësisht të natyrshme.
Një ndjekës komentoi: “Nuk më intereson çfarë thonë të tjerët. Nëse një baba e puth në buzë fëmijën e tij, është plotësisht e gabuar”, ndërsa një tjetër shkroi: “Ajo është e bija juaj. Pse po e puthni në buzë? Kjo është puthja e bashkëshortes tënde”.
Por, në këtë fotografi nuk munguan as komentet pozitive, pasi që tifozët e tij i dolën në mbrojtje babait të katër fëmijëve, Brooklyn, 19-vjeçar, Romeo, 15-vjeçar, Cruz, 13-vjeçar, dhe Harper, 7-vjeçare. Një nga ta komentoi: “Është një foto e bukur e një babai të dashur. Pse duhet të shkatërroni diçka kaq të pafajshme?”.
