Sulmuesi i ekipit kombëtar të Kosovës, Vedat Muriqi e ka shënuar golin e vetëm për skuadrën e tij Rizesporin në barazimin 1-1 ndaj Sivassporti të dielën në Super Ligën turk.
Muriqi, i cili po kalon nëpër formë të mirë kohët e fundit, të cilën e ka shfaqur edhe me Kosovën në Ligën e Kombeve, realizoi për epërsinë e Rizesporit pas një ore lojë në Sivas.
Por, për fatin e tij të keq, vendasit e barazuan rezultatin në 1-1 rreth dhjetë minuta para fundit, kur David Braz shënoi.
Ky ishte barazimi i gjashtë për skuadrën e Muriqit, që vjen pas tri humbjeve radhazi në ligë.
Si pasojë, Rizesporti ka vetëm nëntë pikë dhe renditet e fundit në Super Ligën turke pas 13 xhirove.
Çaykur Rizespor, Vedat Muriqi'nin bu golüyle öne geçti! pic.twitter.com/7xA9yQiu6O
— TurkSpor TV (@TurkSportsTV) November 25, 2018
