“Unë jam shumë i lumtur me rezultatet dhe me lojtarët e mi, por unë e di që në fushë ne mund të paraqitemi edhe më mirë, të improvizojmë më shumë. Kemi një ekip me kualitete, që në sulm bëjnë diferencën, por që duhet të japin më shumë edhe në mbrojtje, pasi nuk jemi ende një ekip solid. Dhe nëse nuk je një ekip solid, atëherë nuk mund të duelosh për objektiva të mëdha”, u shpreh trajneri Maurizio Sarri.
Më tej, trajneri italian sqaron: “Kur flas për fazën mbrojtëse nuk nënkuptoj vetëm ata që luajnë në atë repart, por kontributin që të gjithë japin në mbrojtje. Dua të sqaroj se nuk mbrojmë vetëm në fushën tonë, por edhe në mesfushë apo gjysmëfushën e rivalit, duke bërë presion e duke kontrolluar topin. Kemi aftësi teknike, që mund të na bëjnë një ekip të rrezikshëm kur sulmojmë me mbrojtësit, pasi kështu mund të fitojmë ndeshjet”, tha Sarri