Elseid Hysaj nuk e ka konsideruar thjesht një miqësore. Për Supersport, mbrojtësi i djathtë i Napolit deklaroi se është koha që Shqipëria të ndjek këtë modul loje si sot dhe të forcohet bashkimi i të gjithë ekipit.
“Donim t’i kënaqnim të gjithë sot. Pas asaj humbje 0-4, donim të reagonim. Besoj se kemi shumë për të dhënë akoma. Luajtëm mirë në mbrojtje dhe dilnim mirë në kundërsulm. Duhet vazhdojmë kështu.
Kishim humbur ndeshjen me Skocinë. Donim të reagonim kundër të gjithëve. Thjesh ishte një konsideratë dhe donim ta mbyllnim mirë.
Ta përmirësojmë Kombëtaren dhe në anët e jashtme. Duhet të bashkohemi sa më shumë”, u shpreh Hysaj.
