Pas 9 vitesh që nga apelimi i kësaj çështje, Gjykata e Apelit më në fund ka marrë një vendim për të konfirmuar vendimin e Shkallës së Parë në Torino, duke deklaruar kështu të pafajshëm Luçiano Moxhin, Antonio Xhiraudon dhe Roberto Betegan, tre ish-drejtuesit e Juventusit.
Ata akuzoheshin se kishin falsifikuar bilancet në periudhën 2001-2006, duke fryrë shifrat për blerjen e lojtarëve, me kosto fiktive, ndryshe nga realiteti. Në vitin 2009, Gjykata e kishte shpallut të pafajshme “Triadën” e famshme, por Prokuroria e kishte apeluar këtë çështje, ndërsa vetëm sot, pas plot 9 vitesh, është marrë edhe vendimi përfundimtar.
Mes transferimeve për të cilat klubi bardhezi akuzohej për bilancet false, ishin ato të Zidan apo Mutu, me argumentin se vlera e tyre ishte më e madhe, por këto shkelje nuk u provuan në Gjykatë.
