Telashet duket se kanë “mbërthyer” kampin e kuq para derbit të së premtes. Për Partizanin, mund të vijë një tjetër lajm i keq, pas arrestimit nga policia të Alban Hoxhës, për drejtim të mjetit në gjendje të dehur.
Sicc mësohet, është Lorenc Trashi, i cili mund ta pësojë pas konfliktit që pati me tifozët në Vlorë, në përfundim të takimit me Flamurtarin. Delegati i asaj sfide, Alban Tafaj, si edhe kryesori Enea Jorgji, kanë dorëzuar raportin për këtë përplasje të mbrojtësit të kuq me tifozët.
Gramshioti rrezikon që të dënohet nga ana e Komisionit të Disiplinës për këtë gjest, për tu dënuar me disa ndeshje pezullim, për provokim të publikut.
