Sot, do të luhet derbi i 151-të i kryeqytetit. Partizani pret Tiranën në stadiumin “Selman Stërmasi” në orën 18:00. Të kuqtë janë pritës dhe organizatorë të kësaj supersfide. Megjithatë tifozët bardheblu nuk mund ta kapërdijnë dot faktin që janë miq në impiantin bardheblu.
Ndaj disa orë para sfidës, ata kanë bërë një surprizë jo të këndshme për rivalët e tyre, ultrasit e Partizanit. Në tribunën D2, pikërisht aty ku do qëndrojnë tifozët “Ultras-Guerrils”, kanë shkruar në mur një parullë ku thuhej: “Morra, gjithmonë të huaj do jeni, motrat n’p*dh ku t’i keni”.
Një shkrim i tillë pak orë para derbit, sigurisht që do të irritojë tifozët e kuq, të cilët priten të jenë të shumtë në stadiumin “Selman Stërmasi” në mbështetje të skuadrës së Partizanit.
