Lionel Messi ka folur për PSGTV pas konferencës për shtyp të prezantimit.
“Jam shumë i emocionuar, është një ditë speciale dhe është shumë e bukur të shikoj dashurinë e publikut, të shikoj locura-n (çmendurinë) në qytet dhe pres me padurim të filloj”, ka thënë argjentinasi.
– Çfarë mendon për PSG?
“Besoj se klubi është përmirësuar shumë në vitin e fundit, me objektivin për të qenë më i miri në botë. Është shumë i fuqishëm si klub dhe si ekip”.
– Disa lojtarë të skuadrës i njeh personalisht.
“Kam disa miq dhe kjo gjë që ka qenë shumë e rëndësishme për mua, ma ka bërë më të lehtë zgjedhjen”.
– Një fjalë për tifozët?
“Janë dy tri ditë që janë kudo duke më pritur, është mbresëlënëse dhe nuk kam parë kurrë një gjë të tillë. Spektakolare, jam i lumtur që jam këtu”.
