Interi i mund të mërkurën në mbrëmje në Londër nga Tottenham-i dhe tashmë kualifikimi për në turin e ardhshëm në Champions League është në duart e Barcelonës, që pret anglezët në ndeshjen e fundit dhe nuk është se i duhen më pikë.
Ndërkaq, në Itali tifozët e Interit janë tërbuar edhe me televizionin shtetëror RAI, pasi një ndër dy komentatorët e ndeshjes së djeshme, ish-futbollisti Antonio Di Gennaro, u kap nga kamerat duke thënë “Skuadër e mbaruar”, pikërisht kur kolegu i tij po bëhej gati të niste transmetimin direkt.
La squadraccia è la vostra @RaiSport pic.twitter.com/bXuzfhycFk
— MinaInterista (@MinaInterista) November 28, 2018
Të shumtë ishin ata që menduan se Di Gennaro e kishte me Interin, ndaj është bërë zhurmë e madhe mbi këtë ofendim, por ndërkaq vetë Di Gennaro sot, sërish në rrjetet sociale, ka sqaruar: ” Skuadër e mbaruar i referohej skuadrës së ish-trajnerit tim Fatih Terim, Galatasaray, që u mund në Rusi dhe humbi shansin për të luftuar për kualifikim. Më vjen keq për keqkquptimin. Nuk do ia lejoja kurrë vetes! Sidomos për tifozët e shumtë interistë”.
Ndërkaq, ka edhe nga ata që kanë bërë humor me Di Gennaro-n, duke e quajtur “ters”, sepse pikërisht para golit të Tottenham-it komentatori po lavdëronte Interin për lojën e mirë në pjesën e dytë dhe lëvizjet e zgjuara taktike të trajnerit Spalletti.
#TottenhamInter Su Sky: l'Inter non merita di perdere questa partita! 😁😁😁😁😁😁😁😁😁😁😁😁😁che cazzo di partita stanno guardando?
— Il lavatoio (@ILavatoio) November 28, 2018