“Gjithmonë do ta doja Ibrahimoviç në ekipin tim, me koston e ditur se menaxhimi i tij mund të jetë i vështirë”. Ndërsa Milani po bën llogaritë e veta për të marrë shërbimet e sulmuesit suedez në janar, Demetrio Albertini nuk ka asnjë dyshim. “Dikush si Ibra të lejon zgjidhje të ndryshme”, – theksoi ish-lojtari i Milanit në prezantimin e “Grand Gala del Calcio Aic”, të organizuar nga “Dema4”, agjencia e komunikimit që drejton së bashku me Manuela Ronchi.
Rreth lëndimeve radhazi, që e kanë goditur Milanin, Albertini vuri në dukje: “Në një sezon i kalon edhe këto momente negative. Një problem që duhet trajtuar, megjithatë, lëndimet nuk mund të jenë justifikim. Tani, Milani do të ketë një ndeshje të rëndësishme kundër Lazios, një rivali të drejtpërdrejtë për Ligën e Kampionëve. Kampionati po i ezauron javët dhe gjithmonë do të ketë më pak kohë për të rikuperuar pikë”.
