Topi i Artë, që nga 2008-a e deri më sot ka qenë një çështje mes Cristiano Ronaldo-s dhe Leo Messi-t, të cilët e kanë fituar nga pesë herë, duket se ka humbur përfundimisht dy protagonistët e 10 viteve të fundit.
Sipas lajmeve të fundit, 173 gazetarët që votojnë nga e gjithë bota kanë zgjedhur 3 emra të rinj, duke lënë jashtë Messi-n dhe CR7. Nëse për argjentinasin sezoni i kaluar nuk ka qenë perfekt, e njëjta gjë nuk mund të thuhet për portugezin.
Pikërisht për këtë arsye përjashtimi i tij është më i bujshëm, veçanërisht sepse vendin e tij në krah të Modric dhe Mbappe duket se e ka marrë Varane, edhe ai fitues i Kupës së Botës me Francën dhe i Champions League me Ronaldo-n dhe Modric.
Një tjetër zhgënjim për asin portugez, i cili u mposht nga kroati për çmimin “The Best” të FIFA-s.