3 dhjetori do të jetë dita ku do të mësojmë fituesin e “Topit të Artë” dhe deri atëherë nuk kanë munguar edhe komente të ndryshme nga personazhet e botës së futbollit, të cilët japin mendimin e tyre se cili nga kandidatët e meriton më tepër.
Një prej tyre është edhe legjenda e Manchester United, Gary Neville. 43-vjeçari u është përgjigjur pyetjeve të ardhur në adresën në Twitter, dhe sipas tij, as Modriç, as Ronaldo dhe as Salah, nuk meriton të fitojë “Topin e Artë” këtë sezon. Për të, ky çmim duhet t’i shkojë Sergio Ramos.
Neville u pyet gjithashtu edhe se cili ekip do të fitojë Champions Leaguen dhe legjendja e “Djajve të kuq” mendon se ardhja e Ronaldos te Juventus, e ka bërë atë një skuadër të pathyeshme, që do të dominojë në këtë kompeticion, por jo vetëm.
