Monaco nuk fiton prej 15 ndeshjesh të luajtura në të gjitha kompeticionet dhe sot ka marrë një humbje turpëruese në shtëpi kundër Club Brugge. Belgët, në fakt, kanë fituar 4-0 në javën e katërt të Champions League, duke lënë francezët në vendin e fundit të Grupit A.
Pavarësisht humbjes 4-0, trajneri i Monaco, Thierry Henry, ka gjetur gjëra pozitive për të thënë në përfundim të takimit. “Kemi krijuar shumë raste. Nuk më pëlqen mënyra si reaguam pasi pësuam gol sepse e nisëm mirë”, ka thënë ish-sulmuesi i Arsenal.
“Kemi humbur një tjetër lojtar për shkak dëmtimi, si Glik. Unë duhet të vazhdoj të jem pozitiv çfarë mund të bësh tjetër? Mund të them se më ka pëlqyer paraqitja e bërë nga Massegno, i aktivizuar nga stoli”, ka përfunduar francezi.
Ka qenë më i ashpër mbrojtësi i Monaco, Djibril Sidibe: “Ishte për të ardhur turp. Nuk kemi luajtur në nivelin e duhur, kjo është përgjigjja e vetme”, ka thënë ai.
