Mesfushori i Manchester Unitedit Marouane Fellaini beson se tifozët kanë të drejtë që të irritohen me formën e klubit që po kalon momentalisht.
Skuadra e Jose Mourinhos shënoi fitore minimale të martën ndaj Young Boys në kuadër të Ligës së Kampionëve falë golit të Fellainit në fund të takimit.
“Ata vijnë këtu, paguajnë biletat dhe dëshirojnë të shohin futboll të mirë”, ka thënë mesfushori belg.
“Kritikat janë pjesë e futbollit, mirëpo ne duhet të punojmë. Ne jemi një skuadër, ne jemi të bashkuar”.
Unitedi është në pozitën e dytë në Grupin H me 10 pikë dhe e ka siguruar kualifikim për në fazën tjetër, kurse në ndeshjen e fundit do të ndeshet ndaj Valencias më 12 dhjetor.