Serxhio Ramos është në garë për “Këpucën e Artë” në kampionatin spanjoll, edhe pse është një mbrojtës. Spanjolli ka marrë përsipër ekzekutimin e penalltive dhe goditjeve të dënimit që nga largimi i Kristiano Ronaldos dhe po shënon rregullisht për Real Madridin.
Viktima e tij e fundit ishte portieri e Real Betis, Pau Lopez. Ky i fundit zbuloi se Ramos i kishte treguar se si do e gjuante penalltinë dhe sërish e mposhti nga pika e bardhë: “Unë nuk mendoj se është një mungesë respekti”, tha Lopez.
“Më tha se do të më ndëshkonte me një “Panenka” gjatë takimit. Nuk e besova (qesh). Ai është mbrojtësi më i mirë në botë dhe ka shumë besim në aftësitë e tij. Ndoshta me mundi këtë herë, por herën tjetër kam përgatitur një surprizë për të”,- tha me shaka portieri i Betisit.