Futboll Premier League Sport

AKUZON LOJTARËT E ARSENAL/ ​Mourinho: Ata dëshironin barazimin, humbnin kohë duke…

Trajneri portugez i Manchester Unitedit, Jose Mourinho, i ka akuzuar futbollistët e Arsenalit se kishin simuluar dhe kishin tentuar të humbnin kohë deri në fund të ndeshjes së mbrëmshme pasi që ishin të kënaqur me barazimin,

Mbrëmë në Old Trafford,  skuadra e Mourinhos e priti skuadrën e Unai Emerys, Arsenalin. Kjo ndeshje përfundoi me rezultat 2-2, pasi skuadra e Mourinhos arriti ta barazojë rezultatin dy herë.

Një gabim i David de Geas bëri që Shkodran Mustafi ta kalojë në epërsi Arsenalin në minutën e 26-të, megjithatë rezultati u barazua përmes golit të shënuar nga Anthony Martial. Pastaj, në minutën e 68-të, Alexandre Lacazette arriti ta shfrytëzojë një gabim të Marcos Rojo për të kaluar përsëri në epërsi. Rezultati u barazua vetëm një minutë më vonë, kur për Unitedit shënoi Jesse Lingard.

Nikoqirët kishin synuar ta fitonin ndeshjen përmes një goli në minutat e fundit, mirëpo trajneri i Unitedit beson se ata nuk e patën mundësinë për ta bërë këtë gjë pasi që kundërshtarët e tyre simulonin dhe humbnin kohë.

“Ata e dëshironin barazimin, simulonin, e ndalonin ndeshjet dhe vetëm prisnin deri sa ndeshja të përfundonte”, ka thënë Mourinho në konferencën për shtyp pas ndeshjes.

Related posts

KUSHTON 150 MILIONË EURO/ Barcelona gjen zëvendësuesin e Suarez

Delo.autor

DUELI MES “PLESHTIT” DHE CR7/ Ja cili e fitoi garën për golin më të bukur 2018-2019 (VIDEO)

Delo.autor

HIDHET SHORITI I “EUROBASKET 2021″/ Shqipëria në grup me Serbinë

Delo.autor

Leave a Comment