I intervistuar nga “Sky Sport” në prag të supersfidës Juventus-Inter, e programuar për mbrëmjen e sotme në “Allianz Stadium” (ora 20:30), ish-presidenti historik zikaltër, Masimo Morati, ka shprehur mendimin e tij mbi momentin e skuadrës së Spaletit dhe luftën për titull:
“Sigurisht, Juvja është shumë e fortë, ndaj çdo rezultat pozitiv për Interin do ishte i mirëpritur. Do i jepte një shtysë moralit të skuadrës, me siguri. Bardhezinjtë fitojnë lehtësisht? Është frustruese (qesh). Vitet e fundit kanë dalë gjithmonë ata triumfues. Ëndrra për 2019-ën?
Gjithmonë e njëjta: që Interi të arrijë sa më lart. Për të qenë realist, shpresoj te vendi i dytë, por meqenëse është ëndërr pse jo te kreu. Marota? Një lëvizje e menduar mirë. Lautaro meriton hapësira? Zgjedhjet i bën trajneri, vendos Spaleti”.
