Pas trazirave të shumta të zhvilluara në prag të ndeshjes Boca Juniros dhe River Plate, është marrë vendimi që ndeshja të luhet në “Santiago Bernabeu”, stadiumin e Real Madridit. Incidentet po sjellin pasojat e veta dhe nuk e kanë bërë aspak të thjeshtë zhvillimin e ndeshjes në kohën e vet, madje e bënë të pamundur atë.
“CONMEBOL” është detyruar të “spostojë” ndeshjen jashtë Argjentinës kësaj here, në pamundësi për ta zhvilluar atë atje, për shkak të frikës se incidentet e turpshme do të përsëriteshin.
Riveri është vendosur në Vladebebas, e cila është qendra stërvitore e Realit, ndërsa Boka është vendosur 20 kilometra më larg, në Las Rozas, qendra federale teknike.
Përpos të gjitha këtyre ngjarjeve, trajneri i Riverit duket se nuk ka qenë aspak i kënaqur me këtë vendim duke e quajtur të turpshëm.
“Kupa Libertadores 10 mijë kilometra larg nga këtu? Kur të kthejmë një ditë kokën pas të gjithë, do e cilësojmë këtë vendim si një turp absolut. Ata i kanë grabitur tifozët”, është shprehur Marcelo Gallardo.