Ashtu siç financierët bëjnë bilancin e vitit, edhe trajneri i kampionëve të kampionatit anglez ka bërë analizën e tij për “Sky Sports”. Pep Guardiola ka thënë se Manchester City është një “ekip më i mirë”, se ai i sezonit të kaluar, duke e krahasuar me momentin ku fituan titullin e Premier League-s në sezonin 2017-2018.
City kapi 100 pikët teksa fitoi kampionatin duke thyer edhe një rekord.
Këtë vit gara është shumë e fortë, me Liverpool-in që ka bërë një nisje fantastike, por Guardiola nuk shqetësohet pasi beson se ekipi i tij është përmirësuar.
“Në detaje të vogla ne jemi më mirë se sezonin e shkuar, e kjo është normale pasi kemi më tepër kohë bashkë.”
“Procesi ynë, ndërtimi i lojës, presing-u i lartë, ne mund të përdorim lëvizje të ndryshme, pasi kemi më shumë alternativa si në mbrojtje e në sulm.”
Guardiola në këtë fundviti i kënaqur nga titulli i fituar, ka thënë edhe se çfarë vlerëson më tepër në ekipin e tij:
“Qëndrueshmëria jonë. Sigurisht ne humbasim pikë, kjo mund të ndodh, por edhe pasi kjo ndodh në jemi gjithmonë aty, e kjo është gjëja më me vlerë dhe që ka më tepër rëndësi.”
“Të fitosh kupa apo Ligën e Kombeve, realizohet në 6-7 ndeshje të cilat duhet të jesh mirë, ndërsa në Premier League duhet të jesh mirë çdo tre ditë, ndaj është titulli që më pëlqen më shumë.”
