Sulmuesi shqiptar, Florin Durmishaj po kalon një moment të mirë në kampionatin grek të futbollit. 22-vjeçari, i cili aktivizohet në skuadrën e Panionios, ka luajtur sot përballë Andi Lilës, i cili mbron ngjyrat e Pas Janinës.
Ish-futbollisti i Shpresave luajti përgjatë gjithë 90 minutave dhe arriti të gjejë dhe rrugën e rrjetës për skuadrën e tij. Fillimisht, do të ishte Janina që do të shënonte golin e parë, në minutën e 51’ të sfidës.
Por në minutën e 82’, Durmishaj do të shkundte rrjetën dhe do të barazonte shifrat e takimit. Ky gol i sulmuesit shqiptar vleu vetëm 2 minuta, pasi në të 84’, Janina do të kalonte sërish në avantazh, për ta fituar përfundimisht takimin. Mesfushori Lila luajti vetëm 67’ minuta, minutë ku u zëvendësua nga trajneri i tij.
