Ishte në ajër, ndërsa tani është zyrtare. Milan ka shkarkuar trajnerin e të rinjve, Alessandro Lupi, që kishte marrë drejtimin e skuadrës kuqezi, pas promovimit të Gennaro Gattuso në krye të ekipit të parë të “Djallit”.
Ishte vetë klubi kuqezi që komunikoi lajmin: “AC Milan komunikon se ka shkarkuar trajnerin e Primavera, Alessandro Lupi, të cilit klubi dëshiron t’i shprehë falenderimin dhe mirënjohjen për aktivitetin e zhvilluar”. Lupi ka paguar kështu 9 humbjet në 13 ndeshje, teksa tashmë pritet për zgjedhjen e zëvendësuesit të tij, me Federico Giunti kandidat kryesor për postin e lirë.
