Patrick Cutrone ka qenë protagonist në fitoren 2-1 të marrë nga Milani kundër Parmës duke shënuar golin e barazimit të përkohshëm 1-1.
“Ishte një fitore e rëndësishme, një sukses i madh”, ka thënë ai pas ndeshjes. “Nuk është e lehtë të reagosh pasi pëson një gol. Ata janë mbyllur shumë, por ne jemi treguar të aftë. Goli im? Fryt i dëshirës për të fituar”.
Sulmuesi i kuqezinjve është pyetur edhe për kthimin e mundshëm të Ibrahimovic: “Nuk mendoj për këtë. Po erdhi, mirë, por unë mendoj për veten time”.
