Khabib Nurmagomedov ka deklaruar se mund të rikthehet në kafaz në rast se UFC do t’i ofrojë atij një shumë prej 100 milionë dollarësh. Sipas Khabib, ajo shumë është e vështirë të refuzohet.
Kampioni rus i peshës së lehtë u tërhoq nga sporti në fund të shtatorit, pas fitores ndaj Justin Gaethje, me rekordin 29 fitore, 0 humbje.
“Pres të takohem me Dana White dhe ai do të më ofrojë para që të rikthehem në kafaz. Nëse ai do të më ofrojë 100 milionë dollarë për të dueluar sërish, mund të rikthehem. Do të jetë e vështirë të refuzoj atë shumë”, tha Khabib Nurmagomedov.
Gjithsesi, rusi edhe një herë ka refuzuar të duelojë sërish në kafaz ndaj irlandezit Conor McGregor. “E kam thënë dhe e përsëris, nuk jam i interesuar për të dueluar ndaj atij”, tha Khabib.