Vllaznisë i ka shpëtuar fitorja në momentet e fundit ndaj Besëlidhjes duke marrë vetëm një pikë (rezultati 1-1). Shkodranëve u është mohuar 3-pikëshi në minutat shtesë të takimit ndaj lezhjanëve në “Loro Boriç”.
Që nga minuta e 56-ë kur kauluan në avantazh me Gocajn deri në kohën shtesë, kuqeblutë e Hasan Likës po dominonin takimin dhe po shkonin të qetë drejt fitores, por ka menduar afrikani Camara duke shtangur tifozët vendas dhe ekipin shkodran.
Pas javës së 13-ë, Vllaznia ruan kryesimin në grupin A të Kateogorisë së Parë dhe humbet kështu shansin e mirë për t’u shkëputur në renditje dhe për t’iu afruar akoma më tepër ngjitjes në Kategorinë Superiore.