U tha, u bë! Tifozët e Watford-it kishin premtuar një përformancë speciale për trajnerin e Evertonit, Marko Silva. Numri një i stolit të Evertonit drejtoi ekipin e Watford-it sezonin e shkuar, por mbështetësit e këtij klubi kanë mbetur shumë të pakënaqur nga ai.
Oferta e Evertonit e shpërqëndroi dhe priti me vrap të mbaronte aventurën me Watfordin për të kaluar te Everton-i. Në stadium, tifozët miq kishin premtuar se do të vinin me gjarpërinj dhe fjalët u kthyen në realitet. Tullumbacë në formën e gjarpërinjëve duke i bashkangjitur dhe emrin e trajnerit Silva kanë qenë sot koreografia e stadiumit “Goodison Park”, në sektorin e miqve.
Padyshim trajneri Silva nuk është ndjerë “i mirëpritur” në stadiumin e tij nga ofendimet e ish-tifozëve të tij. Momentalisht, takimi është 1-0 për vendasit, pasi Richarlison shënoi në minutën e 15′. Braziliani shënoi ndaj ish-skuadrës së tij, pasi luajti sezonin e kaluar me Watford-in. 21-vjeçari festoi në maksimum, diçka tjetër që nuk i la shije të mirë tifozëve të Watford-it.
⚽️ #Everton 1:0 #Watford | English Premier League | Day 16 | #Richarlison 15'#EVEWAT
via @VideoGoals_HD pic.twitter.com/hC7mGSm4p9— via @VideoGoals_HD (@viaVide14895588) December 10, 2018