Zërat se Elseid Hysaj do të jetë lojtar i Chelseat vitin e ardhshëm sa vijnë dhe përforcohen. Sipas mediave të huaja, londinezët kanë në plan ta huazojnë lojtarin në muajin janar në formë huazimi dhe në fund të sezonit, lojtari të blihet nga “Blutë”.
Edhe pse për të ka shprehur interesim Arsenali, Chelsea shihet si destinacioni më realist për mbrojtësin e djathtë të Kombëtares sonë.
Hysaj ka një klauzolë prej 50 milionë € dhe Chelsea dëshiron që të mos presë merkaton e vitit të ardhshëm, por të paguajë hap pas hapi çmimin e 24-vjeçarit, që këtë sezon te Napoli nuk ndihet si lojtari më i dashur nga tifozët.