Sulmuesi i Liverpoolit Sadio Mane i ka shpëtuar pezullimit pas incidentit me Stephan Lichtsteinerin e Arsenalit, pasi Federata e Futbollit e Anglisë (FA) ka vendosur të mos ndërmarrë veprime ndaj tij.
Mane e mbërtheu me të dy duart në qafë mbrojtësin zviceran gjatë fitores së Liverpoolit 5-1 ndaj Arsenalit në Premierligë në Anfield.
Gjyqtari i ndeshjes Michael Oliver e pa incidentin – i cili ndodhi pas vetëm shtatë minutave lojë – dhe dha goditje të lirë për Arsenalin.
Ky është lajm i mirë për skuadrën e Jurgen Kloppit pasi Mane tani do të jetë në dispozicion për të luajtur kundër Manchester Cityt të enjten.
Liverpooli është lider i Premierligës me shtatë pikë më shumë se City i Pep Guardiolës.
