Ylli i Real Madrid, Isco, kërkohet nga shumë skuadra të mëdha të Europës, me Juventus dhe Paris Saint-Germain në krye. Fantazisti nuk po kalon një moment të mirë në Madrid dhe situata e tij po monitorohet nga afër nga shumë klube.
Por duket se lojtari ka vendosur të qëndrojë me “Los Blancos” dhe të injorojë “big-ët” që janë vënë në ndjekje të tij. “Nuk kam menduar kurrë të largohem nga Real Madrid”, ka thënë ai në një intervistë për “Deportes Cuatro”. “Nuk mendoj për merkaton e janarit dhe objektivi i vetëm që kam është të vazhdoj të fitojë tituj me këtë fanellë”.
Isco i ka dhënë fund zërave të merkatos, të paktën për momentin. Spanjolli, në fakt, ka një kontratë me madrilenët deri në 2022-in dhe një klauzolë 700 milionë euro, por në rast se marrëdhëniet me klubin do të prishen përfundimisht, ai do të largohej për 80 milionë.
