Liderja Barcelona mund ta ketë një epërsi prej tetë pikëve ndaj Real Madridit të renditur në vendin e pestë në La Liga, por trajneri Santiago Solari insiston se “Los Blancos” ende kanë mundësi ta fitojnë titullin.
Real Madridi do të përballet me Huescan në takimin e sotëm të La Ligës dhe fitorja eventuale do ta ulte epërsinë në rivalit, Barcelonës, në vetëm pesë pikë.
“Nuk kam dyshime se do të kërkohet maksimumi nga ne që nga minuta e parë”, tha Scolari në konferencë për media para ndeshjes.
“Duhet të bëjmë përpjekje, të jemi serioz në mbrojtje dhe agresiv në sulm. Do të luftojmë për titull në ligë deri në fund”, shtoi ai.
